César assassiné !
La mort de César de Camuccini, huile sur toile, 1798
Assidentem conspirati specie officii circumsteterunt,
ilicoque Cimber Tillius, […] togam adprehendit.
Deinde clamantem: 'ista quidem uis est!'
alter e Cascis auersum uulnerat paulum infra iugulum.
Caesar Cascae brachium arreptum graphio traiecit
conatusque prosilire alio uulnere tardatus est.
Utque animaduertit undique se strictis pugionibus peti,
toga caput obuoluit,
simul sinistra manu sinum ad ima crura deduxit,
quo honestius caderet etiam inferiore corporis parte uelata.
Atque ita tribus et uiginti plagis confossus est
uno modo ad primum ictum gemitu sine uoce edito,
etsi tradiderunt quidam Marco Bruto irruenti dixisse: « kai su teknon ».
Exanimis diffugientibus cunctis aliquamdiu iacuit,
donec lecticae impositum, dependente brachio, tres seruoli domum rettulerunt.
nec in tot uulneribus, ut Antistius medicus existimabat, letale ullum repertum est,
nisi quod secundo loco in pectore acceperat.
Suétone, Vies des douze Césars, Livre I, LXXXII
